.
Në episodin e shtatë të podcastit “ZGJOHU” u trajtua fenomeni i emigrimit dhe ndikimi i tij në tregun e punës dhe shoqërinë shqiptare. Diskutimi u përqendrua te arsyet që po shtyjnë gjithnjë e më shumë qytetarë, veçanërisht të rinjtë dhe punonjësit, të largohen nga vendi, si dhe pasojat që kjo lëvizje po sjell për ekonominë dhe tregun e punës.
Gjatë episodit u theksuan faktorë si pagat e ulëta, pasiguria në punë, informaliteti dhe mungesa e perspektivës, ndërsa u diskutua edhe për mungesën e fuqisë punëtore në disa sektorë dhe sfidat e emigrantëve të kthyer. Podcasti “ZGJOHU” synon të nxisë debat publik mbi punën, emigrimin dhe nevojën për politika që garantojnë punë të denjë në Shqipëri.
